Ramesh Patnaikସୁନ୍ଦରୀ ପ୍ରତି ସାବଧାନ, ୨ଟି ରୋମାଣ୍ଟିକ ଜହ୍ନରାତି, ପ୍ରିୟ ପୁରୁଷ, ସ୍ବପ୍ନ ସିଂହାସନରେ ପ୍ରିୟତମା, ଝିଅଟିଏ ରାସ୍ତାଟିଏ, ସଂଗସୁଖ, ଫେରିବାର ବେଳ ଓ ବୃକ୍ଷପତିଙ୍କ କାଶ ପରି ୧୫ଟି ଗଳ୍ପ-ଉପନ୍ୟାସର ରଚୟିତା ରମେଶ ପଟ୍ଟନାୟକଙ୍କ ଚମତ୍କାର କଥନ ଶୈଳୀ ଓ କଥାବସ୍ତୁ ପାଠକଙ୍କୁ ବାନ୍ଧିରଖେ। ତାଙ୍କ କାହାଣୀର ଯେଉଁ ମାନବିକ ସମସ୍ୟା ଓ ସଂଘାତର ଚିତ୍ର ମିଳେ ତାହା ତାଙ୍କ ଅଧ୍ୟୟନ ଓ ବହୁବିଧ ଜୀବନର ଅନୁଭବକୁ ଉନ୍ମୋଚିତ କରାଏ।ସ୍ନାତକୋତ୍ତର ଇଂରାଜୀ ସାହିତ୍ୟ ଓ ଗଣ ଯୋଗାଯୋଗ ଶିକ୍ଷା ସମାପନ ପୁର୍ବକ ଇଣ୍ଡିଆନ୍ ଏକ୍ସପ୍ରେସ ପରି ଜାତୀୟ ଓ ଓଡିଶାପୋଷ୍ଟ ପରି ପ୍ରାଦେଶିକ ଇଂରାଜୀ ସମ୍ବାଦପତ୍ର ସମ୍ପାଦନା ବୃତ୍ତିରେ ୩୫ ବର୍ଷ କାର୍ଯ୍ୟ ସମ୍ପନ୍ନ କରି ସେ ଏବେ ଭୁବନେଶ୍ବରରେ ଅବସ୍ଥାନ କରୁଛନ୍ତି। ଚାରୋଟି ଓଡ଼ିଆ କବିତା ସଙ୍କଳନ ଓ ଏକ ଗଳ୍ପ ସଙ୍କଳନ ଇଂରାଜୀରେ ଅନୁବାଦ କରିଛନ୍ତି। ଶ୍ରୀ ପଟ୍ଟନାୟକଙ୍କ ଦ୍ୱାରା ଅନୁଦିତ କବି ହୃଷୀକେଶ ମଲ୍ଲିକଙ୍କ 'ଜେଜେ ଦେଖିନଥିବା ଭାରତ' (The India Grandpa Has Never Seen) ମଧ୍ୟ ବ୍ଲାକ ଈଗଲ୍ ବୁକ୍ସ ଦ୍ବାରା ପ୍ରକାଶିତ। Read More Read Less