This historic book may have numerous typos and missing text. Purchasers can download a free scanned copy of the original book (without typos) from the publisher. Not indexed. Not illustrated. 1859 Excerpt: ...twelvemonth, nor sae lang, Till he fell in love wi' the King's daughter, And was thrown in prison strang. The King he had but ae daughter, Burd Isbel was her name; And she has to the prison gane, To hear the prisoner's maen. "0 gin a lady wad borrow me, At her stirrup I wad rin; Or gin a widow wad borrow me, I wad swear to be her son. "0r gin a virgin wad borrow me, I wad wed her wi' a ring; "I'd gie her ha's, I'd gie her bowers, The bonny towers o' Linne." 0 barefoot, barefoot gaed she but, And barefoot cam' she ben; It wasna for want o' hose and shoon, 0r time to put them on. But a' for fear that her father, Had heard her making din; For she's stown the keys o' the prison, And gane the dungeon within. And when she saw him, young Bekie, Wow, but her heart was sair! For the mice, but and the bald rattons, Had eaten his yellow hair. She's gotten him a shaver for his beard, A comber till his hair; Five hundred pound in his pocket, To spend, and nae to spare. She's gi'en him a steed was gude at need, And a' saddle o' royal bane, A leash o' hounds o' ae litter, And Hector called ane. Atween thir twa a vow was made, 'Twas made full solemnlie, That or three years were come and gone, Weel married they should be. He hadna been in his ain countrie, A twelvemonth till an end, Till he's forced to marry a duke's daughter, 0r then lose a' his land. "0chon, alas!" says young Bekie, "I kenna what to dee; For I canna win to Burd Isbel, And she canna come to me." 0 it fell out upon a day, Burd Isbel fell asleep, And up and starts the Billy Blin', And stood at her bed feet. Says, " Waken, waken, Burd Isbel! How can ye sleep sae souii', When this is Bekie's wedding-day, And the marriage gaein' on? "Ye'll do ye till your mother...